مشہور زمانہ مزاحیہ اداکار مسٹر بِین کے بارے میں 10 غیر معروف مگر دلچسپ حقائق

مشہور زمانہ مزاحیہ اداکار مسٹر بِین کے بارے میں 10 غیر معروف مگر دلچسپ حقائق

لندن: مشہور برطانوی مزاحیہ اداکار “مسٹر بین” کے بارے میں آپ نے بہت کچھ سن رکھا ہو گا تاہم اس کردار کے خالق سے متعلق بہت سے ایسے سربستہ حقائق ہیں جو آپ کے سامنے کبھی نہیں آئے ہوں گے۔

پاکستان ٹرائب ڈاٹ کام لائف اسٹائل ڈیسک کے مطابق مسٹر بین کا کردار ادا کرنے والے برطانوی اداکار کا اصل نام Rowan Atkinson ہے، وہ 6 جنوری 1955 کو پیدا ہوئے۔ وہ 5 فروری 1990 کو نیویارک میں ایک میک اپ آرٹسٹ Sunetra Sastry کے ساتھ رشتہ ازدواج میں منسلک ہوئے اور ان کے دو بچے ہیں۔

اس عظیم اداکار کے بارے میں 10 غیر معروف اور دل چسپ حقائق :

1۔ رووان انتہائی تعلیم یافتہ شخص ہیں، وہ نیوکیسل اور آکسفورڈ دو جامعات سے فارغ التحصیل ہوئے۔

2۔ رووان بچپن میں جب Durham کے Chorister School میں پڑھتے تھے تو سابق برطانوی وزیراعظم ٹونی بلیئر ان کے ہم جماعت تھے۔

3۔ رووان کو جنون کی حد تک گاڑیوں کا شوق ہے۔ ایک مرتبہ انہوں نے کہا تھا کہ اگر وہ پہلے درجے میں ٹرک چلانے کا لائسنس حاصل کر لیں تو یہ ان کی زندگی کا ایک یادگار ترین لمحہ ہوگا۔

4۔ رووان ذاتی طور پر کئی گاڑیوں کے مالک ہیں، ان میں آسٹن میٹرو ، ہونڈا ، اوڈی اور مکلارن ایف 1 شامل ہیں۔

5۔ رووان کو اپنی مکلارن ایف 1 گاڑی میں دو مرتبہ حادثات کا سامنا کرنا پڑا۔ 2011 میں دوسری بار کا حادثہ نہایت خوف ناک تھا جس میں رووان کی گاڑی ایک درخت سے ٹکرا گئی تھی، برطانوی ادارکار کے کندھے کی ہڈی ٹوٹ گئی اور گاڑی کو شدید نقصان پہنچا۔ یہ برطانیہ کی تاریخ کا پہلا حادثہ تھا جس میں انشورنس کمپنی نے دس لاکھ پاؤنڈ کا بل جاری کیا۔

6۔ رووان کبھی کبھار گاڑیوں سے متعلق برطانوی جریدوں میں مضامین بھی تحریر کرتے ہیں۔

7۔ رووان کو بات چیت کرتے ہوئے تھوڑی ہکلاہٹ کا سامنا کرنا پڑتا ہے، اس کے سبب وہ عام طور پر زیادہ انٹرویوز سے دُور رہتے ہیں، رووان کو بالخصوص انگریزی حرفB سے شروع ہونے والے الفاظ کی ادائیگی میں مشکل کا سامنا ہوتا ہے۔

8۔ رووان جیمز بونڈ کے بہت بڑے پرستار ہیں بلکہ انہوں نے تو 1983 میں اس سیریز کی ایک فلم ‘NEVER SAY NEVER AGAIN’ میں شون کونری کے ساتھ معاون کردار بھی ادا کیا۔

9۔ اپنے فنّی کیرئر کے دوران مسٹر بین یعنی رووان ایٹکِنسن نے کافی دولت کمائی، ان کی موجودہ ثروت کا اندازہ تقریبا 8.5 کروڑ پاؤنڈ (13 کروڑ ڈالر) کے قریب لگایا گیا ہے۔

10۔ سال 2001 میں رووان اپنے اہل خانہ کے ساتھ تعطیلات گزارنے کینیا جا رہے تھے، طیارے کے اُترنے کے دوران کپتان کی طبیعت اچانک بگڑ گئی اور وہ بے ہوش ہو گیا، اس موقع پر رووان نے پرسکون انداز سے کئی منٹ تک طیارے کا کنٹرول سنبھالے رکھا، بعد ازاں کپتان کی طبیعت بحال ہو گئی اور اس نے طیارے کو بحفاظت اتار لیا۔

 

ویب ڈیسک

یہ پاکستان ٹرائب کا آفیشل ویب ڈیسک اکاؤنٹ ہے۔

Leave a Reply

Your email address will not be published. Required fields are marked *