عدنان سمیع خان کا سرینگر میں کنسرٹ، کشمیریوں نے پاکستان کی حمایت میں ناکام بنا دیا

عدنان سمیع خان کا سرینگر میں کنسرٹ، کشمیریوں نے پاکستان کی حمایت میں ناکام بنا دیا

سرینگر : بھارت کی شہہ پر پاکستان کیخلاف الٹے سیدھے بیانات دینے والے گلوکار عدنان سمیع خان کا مقبوضہ کشمیر کے دارالحکومت سرینگر میں ہونے والا کنسرٹ بری طرح ناکام ہوگیا ۔ کنسرٹ کیلئے تین ہزار کرسیاں لگائی گئی تھیں لیکن سوائے وی آئی پی حصے کو چھوڑ کر باقی کرسیوں پر ایک شخص بھی نظر نہ آیا۔

میڈیا رپورٹس کے مطابق پاکستانی شہریت چھوڑ کر بھارتی شہریت حاصل کرنے والے گلوکارعدنان سمیع خان کا جمعہ کو مقبوضہ کشمیرمیں ہونے والا کنسرٹ اس وقت ناکام ہوگیا جب کنسرٹ کی تمام کرسیاں ہی خالی پڑی رہیں اور لوگوں نے پاکستان سے محبت کا اظہار کرتے ہوئے مودی سرکار کے اشاروں پر ناچنے والے گلوکار کا بائیکاٹ کرکے گھر پر رہنے کو ترجیح دی۔

عدنان سمیع خان کے کنسرٹ کا انتظام مقبوضہ کشمیرمیں سیاحتی مرکزکے ادارے کی جانب سے شیرکشمیر انٹرنیشنل کنونشن سینٹر میں کیا گیاتھا، جب کہ کنسرٹ میں شرکت کرنے کی اجازت صرف ان لوگوں کو تھی جنہیں دعوت نامے بھیجے گئے باقی کسی کو بھی کنسرٹ میں شرکت کرنے کی اجازت نہیں تھی، کنسرٹ میں شرکت کرنے والے زیادہ ترافراد کا تعلق بیوروکریٹس اور سرمایہ دار طبقے سے تھا۔

کنسرٹ میں 3000 لوگوں کی آمد متوقع تھی، لیکن حیرت انگیز طور پر زیادہ تر کرسیاں خالی پڑی رہیں، یہ شو براہ راست پیش کیا جانا تھا اور کنسرٹ شروع ہونے کا وقت شام 5 بجے تھا لیکن خالی کرسیوں کے باعث یہ شو مقررہ وقت سے کافی تاخیر سے شروع ہوا۔کنسرٹ میں صرف مختلف اضلاع سے تعلق رکھنے والے سرمایہ داروں، بھارتیہ جنتا پارٹی ،پی ڈی پی سے تعلق رکھنے والے افراد نے ہی شرکت کی۔

مقبوضہ کشمیر کے سابق وزیر اعلی عمرعبداللہ نے کنسرٹ کی خالی کرسیوں پر ٹوئٹ کرتے ہوئے کہا،افسوس ہے عدنان سمیع کے کنسرٹ میں کرسیاں خالی پڑی ہیں امید ہے میری ٹوئٹ پبلش ہونے تک نشستیں بھرجائیں گی اور کم از کم ایک شام کے لیے ہی کشمیری اپنے اوپر ہونے والے مظالم کو بھول جائیں۔

ان کے ٹوئٹ کے جواب میں عدنان سمیع خان نے ٹوئٹ کرتے ہوئے کہا کہ عبداللہ آپ کشمیر کے سابق وزیراعلی ہیں، آپ کو میوزک کنسرٹ کی وجہ سے اتنا زیادہ دلبرداشتہ نہیں ہونا چاہئے،آپ کے ذرائع نے آپ سے جھوٹ بولا ہے کہ کنسرٹ میں خالی نشستیں موجود ہیں، بھری ہوئی نشستوں کی تصاویر یہاں موجود ہیں۔

عمرعبداللہ نے کہا کیا آپ خود کو بہت بڑا اسٹار سمجھتے ہیں، کیا آپ یہ چاہتے ہیں کہ اخباروں میں عمر اور عدنان کی لڑائی کی خبر لگے، مگر میں ایسا نہیں چاہتا، آپ سرینگر کا مزہ لیجئے، شب بخیر

عدنان سمیع کا مقبوضہ کشمیر میں کنسرٹ، غیرت مند کشمیریوں نے پاکستان چھوڑنے والی کی شکل دیکھنا بھی گوارا نہ کیا، خالی کرسیوں کے سامنے گلا پھاڑ کر واپس چلا گیا

Posted by Takhayyul on Sunday, October 8, 2017

ویب ڈیسک

یہ پاکستان ٹرائب کا آفیشل ویب ڈیسک اکاؤنٹ ہے۔

Leave a Reply

Your email address will not be published. Required fields are marked *