گلالئی کے بعد ن لیگ کی ایم این اے نے بھی عمران خان پر شرمناک الزام لگا دیا

گلالئی کے بعد ن لیگ کی ایم این اے نے بھی عمران خان پر شرمناک الزام لگا دیا

لاہور: پاکستان تحریک انصاف کے چیئرمین عمران خان پر ان کی پارٹی کی باغی خاتون رکن عائشہ گلالئی نے غیر اخلاقی پیغامات بھیجنے کے الزامات عائد کئے تھے جس کے بعد ملکی سیاست میں ایک بھونچال سا آگیا تھا مگر اب مسلم لیگ(ن) کی خاتون ایم این اے مائزہ حمید نے بھی پی ٹی آئی کے سربراہ کو شرمناک ترین الزام عائد کردیا۔

پاکستان ٹرائب ڈاٹ کام کے مطابق مسلم لیگ ن کی ایم این اے مائزہ حمید نے عمران خان کو  بھارت  میں جنسی زیادتی کے الزام میں گرفتار گورو رام رحیم سنگھ سے ملا دیا ۔

سماجی رابطوں کی ویب سائٹ ”ٹوئٹر“ پر ٹوئٹ کرتے ہوئے مسلم لیگ (ن) کی خاتون ایم این اے مائزہ حمید کا کہنا ہے کہ بھارتی گورو کو خواتین کے ساتھ زیادتی کے الزام میں گرفتار ہونے کے بعد اب وقت آگیا ہے کہ پاکستانی گورو عمران خان کے خلاف تحقیقات کا آغاز کیا جائے۔

عمران خان کو بھارتی گورو قرار دینے کے بعد سوشل میڈیا پر مائزہ حمید کے اس اقدام کو شرمناک اور سیاست کی تذلیل کہا جا رہاہے جبکہ ٹوئٹر صارفین کی جانب سے ان کے ٹوئٹ پر انہیں کھری کھری سنائی ہیں۔

یاد رہے کہ سوشل میڈیا پر مائزہ حمید کے نام سے اکاﺅنٹ ٹوئٹر کی جانب سے ویریفائڈ نہیں ہے مگر اس پر کی جانے والی ٹوئٹس ان کی سرگرمیوں اور مسلم لیگ(ن) کی پالیسیوں کے حوالے سے ہیں جس سے غالب امکان یہی ہے کہ وہ خود ہی اس اکاﺅنٹ کو استعمال کر رہی ہیں۔

 

ویب ڈیسک

یہ پاکستان ٹرائب کا آفیشل ویب ڈیسک اکاؤنٹ ہے۔

Leave a Reply

Your email address will not be published. Required fields are marked *