ایران میں صرف خوبصورت افراد ہی اسکولوں میں پڑھائیں گے

ایران میں صرف خوبصورت افراد ہی اسکولوں میں پڑھائیں گے

تہران : ایران کے محکمہ تعلیم نے ایک انوکھا فیصلہ کرتے ہوئے اسکولوں میں بدصورت اساتذہ کے پڑھانے پر پابندی عائد کردی ہے۔

پاکستان ٹرائب ڈاٹ کام ورلڈ دیسک کے مطابق ایرانی محکمہ تعلیم کی جانب سے جاری فہرست میں کہا گیا ہے کہ ایسے اساتذہ جو بھینگے ہوں، جن کے چہرے پر تل، مہاسے، دانے یا پھر دیگر جلدی امراض کے نشانات ہوں تدریسی میدان میں آنے سے گریز کریں، اس کے علاوہ کلاس روم میں موجود اساتذہ کے چہرے پر کسی قسم کے جلنے کا بھی نشان نہیں ہونا چاہیے۔

فہرست میں ایسی خواتین اساتذہ پر بھی پابندی لگائی گئی ہے جن کے چہرے پر بال موجود ہیں اس کے علاوہ ایسی بیماریاں جو واضح طور پر نظر نہیں آسکتیں جن میں مثانے کی پتھری، کلر بلائنڈ اور بانجھ خواتین پر بھی پڑھانے پر پابندی ہوگی۔

 

ایرانی محکمہ تعلیم کی جانب سے جاری فہرست کے بعد سوشل میڈیا پر شدید تنقید کا نشانہ بنایا جارہا ہے۔

سوشل میڈیا صارفین کا کہنا ہے کہ ایرانی محکمہ تعلیم کو اس فیصلہ پر نظر ثانی کرنی چاہیے جب کہ بعض افراد کا کہنا ہے کہ اس پابندی کے بعد اسٹیفن ہاکنگ جیسے عظیم سائنسدان ایران کے اسکولوں میں نہیں پڑھا سکیں گے۔

تنقید کے بعد ایرانی صدر کے مشیر کا کہنا ہے کہ محکمہ تعلیم کی فہرست کی تحقیقات کی جائیں گی۔

 

ویب ڈیسک

یہ پاکستان ٹرائب کا آفیشل ویب ڈیسک اکاؤنٹ ہے۔

Leave a Reply

Your email address will not be published. Required fields are marked *