شادی پر عمران کو نہیں وزیراعظم کو بلاوں گی،میرا

شادی پر عمران کو نہیں وزیراعظم کو بلاوں گی،میرا

 لاہور: فلم سٹا ر میرا نے کہا ہے کہ سرکاری افسر نہیں بزنس مین سے ہی شادی کروں گی ،شادی میں ریما خان جیسی اداکاراؤں کو بلانے کا سوال ہی پیدا نہیں ہوتا،باقی شوبز کے تمام لوگوں کو بناؤں گی ‘عمران خان کی بجائے وزیر اعظم نوازشر یف اور بلاول بھٹو کو بلاؤں گی جو ضرور آئیں گے۔

پاکستان ٹرائب ڈاٹ کام لائف اسٹائل ڈیسک کے مطابق  شوبز حلقوں نے فلم اسٹار میرا کی جانب سے اگست میں شادی کو ڈرامہ قرار دیدیا، ان کا کہنا ہے کہ سستی شہرت حاصل کرنے کے لیے میرا نے شادی کا شوشہ چھوڑا ہے ۔

رپورٹ کے مطابق اپنے ایک انٹرویو میں اداکارہ میرا نے کہا ہے کہ سرکاری افسر شوہر فیملی کو وقت نہیں دے پاتے،اس لیے میں نے فیصلہ کر لیا ہے کہ شادی کسی سرکاری افسر نہیں بزنس مین سے ہی شادی کروں گی ۔

ایک سوال کے جواب میں میرا نے کہا کہ ریمامجھے سے دوستی کا دعویٰ کرتی ہے مگر حقیقت میں وہ ہمیشہ میری راہ میں رکاوٹیں ڈالتی رہی ہے اس لیے اس کو شادی پربلانے کا سوال ہی پیدا نہیں ہوتا۔

 دوسری طرف شوبز حلقوں نے فلم اسٹار میرا کی جانب سے اگست میں شادی کو ڈرامہ قرار دیتے ہوئے کہا ہے کہ سستی شہرت حاصل کرنے کے لیے میرا نے شادی کا شوشہ چھوڑا ہے ۔

 ان حلقوں کا کہنا ہے کہ اداکارہ میرا کے ایک مبینہ شوہر نے ان کے خلاف عدالت میں پہلے ہی اپنی بیوی ہونے کا کیس دائر کر رکھا ہے اور کیس کے فیصلے تک میرا شادی نہیں کر سکتی ۔

یہ شوشہ انھوں نے میڈیا کی توجہ حاصل کرنے کے لیے چھوڑا ہے کیونکہ میرا آج کل کسی بھی بڑے پراجیکٹ میں کام نہیں کر رہی اور دوسروں کو اپنی طرف متوجہ کروانے کے لیے حکمت عملی کے تحت میرا نے خود یہ خبر لیک کی ہے کیونکہ  اگر میرا نے شادی کی تو اس کو ہتھیلیوں پر مہندی کی بجائے ہتھکڑیاں بھی لگ سکتی ہیں ۔

 

ویب ڈیسک

یہ پاکستان ٹرائب کا آفیشل ویب ڈیسک اکاؤنٹ ہے۔

Leave a Reply

Your email address will not be published. Required fields are marked *