چیمپئنز ٹرافی میں نئی ٹیکنالوجی متعارف کروانے کا فیصلہ

چیمپئنز ٹرافی میں نئی ٹیکنالوجی متعارف کروانے کا فیصلہ

لندن:آئی سی سی چیمپیئنز ٹرافی کا میلاآج سے برطانیہ میں شروع ہو رہا ہے جس کی مناسبت سے کھیل کی عالمی گورننگ باڈی نے کرکٹ کو جدت بخشنے کے لئے مزید نئی ٹیکنالوجی متعارف کرانے کا فیصلہ کیا ہے۔

پاکستان ٹرائب کو دستیاب اطلاعات کے مطابق آئی سی سی نے نئی ٹیکنالوجیز متعارف کرانے کے لئے دنیا کی صف اول کی کمپنی انٹیل کے ساتھ اشتراک کیا ہے جس کی بدولت ڈرون انفرا ریڈ کیمروں کی مدد سے وکٹ کے اندر موجود نمی،گھاس کی کثافت،ٹرن سمیت تمام تر احوال بتایا جا سکے گا۔

اس کے ساتھ ساتھ کھلاڑیوں کے بلے کے ہینڈل کے ساتھ سینسر لگائے جائیں گے جس کی بدولت پتہ لگایا جا سکے گا کہ وہ اپنے بلے کا کس طرح اور کیسے استعمال کر رہا ہے۔

چیمپیئنز ٹرافی میں شرکت کرنے والی ہر ٹیم کے کم از کم6کھلاڑیوں نے ایونٹ کے دوران بیٹ سینسرز کے استعمال پر آمادگی ظاہر کی ہے جس کی بدولت بیٹ کی سپیڈ،کھلاڑی کی قوت سمیت دیگر چیزوں کا بلو ٹوتھ کی مدد سے مشاہدہ کیا جا سکے گا۔

اس کے ساتھ ساتھ شائقین کی تفریح کا خیال رکھتے ہوئے انٹیل کے تعاون سے آئی سی سی ایونٹ میں پہلی مرتبہ گراونڈ میں موجود تمام شائقین کو مفت انٹرنیٹ سروس فراہم کی جائے گی۔

ویب ڈیسک

یہ پاکستان ٹرائب کا آفیشل ویب ڈیسک اکاؤنٹ ہے۔

Leave a Reply

Your email address will not be published. Required fields are marked *