شلپا شیٹھی اور اس کے شوہر کے خلاف مقدمہ درج

شلپا شیٹھی اور اس کے شوہر کے خلاف مقدمہ درج

ممبئی: شلپا شیٹھی کندرا نے اپنے شوہر راج کندرا کے ساتھ مل کر کاروباری سلسلے کیلئے ٹی وی چینل شروع کیا تھا،جس میں متعدد اقسام کی پروڈکٹس صارفین کو فروخت کیلئے پیش کا جاتی ہیں،جن میں فیشن سے گیجٹس تک شامل ہیں۔

پاکستان ٹرائب لائف اسٹائل ڈیسک کے مطابق کچھ عرصہ قبل بھیوانڈی میں ایک چھوٹے کاروباری شخص نےاس معروف جوڑے کے خلاف شکایت درج کروائی تھی کہ وہ اس کے واجبات ادا نہیں کررہے،جوڑے کے خلاف کیس قریبی تھانے میں رجسٹر کیا گیا ہے۔

رپورٹس کے مطابق راج کندرا کو کون گون پولیس اسٹیشن گزشتہ روز پوچھ گچھ کیلئے بلایا گیا تھا اور یہ سیشن صبح 10 بچے سے شروع ہو کر دوپہر تک جاری رہا۔

اگر ان رپورٹس پر یقین کیا جائے تو ڈی سی پی پاٹیل نے کہا کہ پوچھ گچھ ابھی ختم نہیں ہوئی اور مزید 2 روز راج کندرا کو بلایا جائے گا۔

ایف آئی آر میں کہا گیا ہے کہ شلپا کی کمپنی بگ ڈیلز نے بسترکی چادریں فروخت کیں جو کہ بھیوانڈی کی مالوٹیا ٹیکسٹائلز سے خریدی گئی تھیں۔

انہوں نے ٹی وی کے اشتہاروں کے ذریعے بسترکی چادروں کی فروخت کے بعد بھی ابھی تک 24 لاکھ روپے کے واجبات مینو فیکچررز کو ادانہیں کئے۔

اس لئے سیکشن 46 کرمنل بریچ آف ٹرسٹ اور 420 دھوکہ دہی اور بے ایمانی سے پراپرٹی کی ڈلیوری کے تحت مقدمات درج کئے گئے ہیں۔

 

ویب ڈیسک

یہ پاکستان ٹرائب کا آفیشل ویب ڈیسک اکاؤنٹ ہے۔

Leave a Reply

Your email address will not be published. Required fields are marked *