بنگلہ دیش کی سری لنکا کے خلاف تاریخی فتح

بنگلہ دیش کی سری لنکا کے خلاف تاریخی فتح

کولمبو:بنگلہ دیش اور سری لنکا کے مابین کھیلے جانے والے دوسرے ٹیسٹ میچ بنگالی ٹیم نے سری لنکا کو 4 وکٹوں سے شکست دے کر دوسرے ٹیسٹ میں تاریخی فتح اپنے نام کر لی۔

پاکستان ٹرائب ڈاٹ کام اسپورٹس ڈیسک کے مطابق سری لنکا اور بنگلہ دیش کے درمیان کولمبو میں کھیلے جانے والے سیریز کے دوسرے اور آخری   جب کہ بنگہ دیش کے 100ویں ٹیسٹ میں مہمان ٹیم نے سری لنکا کو چاروکٹوں سے شکست دے کر دو ٹیسٹ میچوں سیریز ایک ایک سے برابر کر دی ہے۔

بنگلہ دیش کی فتح میں آل راؤنڈر شکیب الحسن اور اوپنر تمیم اقبال نے کلیدی کردار ادا کیے۔

تمیم اقبال کو دوسری اننگز میں ان کی عمدہ اننگز کے لیے مین آف دا میچ قرار دیا گیا جبکہ مین آف دا سیریز کا اعزاز شکیب الحسن کو ملا۔

میچ کے پانچویں روز میزبان سری لنکا کا ٹیم 338 رنز بنا کر آؤٹ ہو گئی اور بنگلہ دیش کو جیت کے لیے 191 رنز کا ہدف دیا جسے انھوں نے چھ وکٹوں کے نقصان پر باآسانی حاصل کر لیا۔

اوپنر تمیم اقبال نے 82 رنز کی عمدہ اننگز کھیلی جبکہ شبیر رحمان نے 41 رنز بنائے۔

سری لنکا کی جانب سے رنگنا ہیراتھ اور دلروون پریرا نے تین تین وکٹیں حاصل کیں۔

میچ کے بعد بنگلہ دیش کے کپتان مشفق الرحیم نے کہا کہ ’جیت کا احساس عظیم ہے۔ مستفیض اور شکیب نے فلیٹ وکٹ پر عمدہ بولنگ کی اور سری لنکا پر دباؤ قائم رکھا۔

اس سے قبل سری لنکا نے ٹاس جیت کر پہلے بیٹنگ کا فیصلہ کیا اور انھوں نے اپنی پہلی اننگز میں دنیش چندی مل کی سنچری (138) کی بدولت 338 رنز بنائے۔

جواب میں بنگلہ دیش نے بہتر آغاز کیا اور ان کی پہلی وکٹ 95 رنز پر گری جبکہ آل راؤنڈر شکیب الحسن نے سنچری (116) بنا کر ٹیم کو 129 رنز کی اہم سبقت دلائی۔ بنگلہ دیش کی ٹیم نے مجموعی طور پر 467 رنز بنائے۔

دوسری اننگز میں سری لنکا نے اوپنر کرونارتنے کی عمدہ سنچری اور بولر پریرا کی نصف سنچری کی بدولت مجموعی طور پر 319 رنز بنانے میں کامیاب رہی۔ شکیب الحسن نے چار وکٹیں حاصل کیں جبکہ مستفیض الرحمان کے حصے میں تین وکٹیں آئیں۔

اس سے قبل گالے میں کھیلے جانے والے میچ میں سری لنکا نے 259 رنز سے جیت حاصل کی تھی۔

اب دونوں ٹیموں کے درمیان چار ون ڈےمیچوں کی سیریز کا پہلا میچ 25 مارچ کو ڈمبولا میں کھیلا جائے گا۔

یاد رہے  یہ بنگلہ دیش کا 100 واں ٹیسٹ میچ تھا اور انھوں نے جیت کے ساتھ اسے یادگار بنا دیا۔

 

ویب ڈیسک

یہ پاکستان ٹرائب کا آفیشل ویب ڈیسک اکاؤنٹ ہے۔

Leave a Reply

Your email address will not be published. Required fields are marked *